Te zorjaras le romen – vaš jekh maj lačhi Evropa andar savorende 

I Romani Fundacia vaš i Evropa kerel buti te vazdel jekh ekosistemo bazisardo po talento, godjaveripe, zor, kompetence thaj rezilienca le romengi sar jekh kolektivo zor kontra o rasismo, ekonomikano čorjaripe, politikani ekskluzia thaj kulturalo telutnipe. Kamas te thas khetanes o šajpe le romane komunitetengo, sar alosarne thaj vi sar zor butjaki, le romane advokaturjenge glasurjenca, le džutisarne aliaturjenca thaj le influjento amalenca

 

Amari ambicia džal perdal o romano konteksto. Le Evropake roma si len jekh vašno historia reziliencaki, adaptaciaki thaj antreprenoriatoski, perdal e lunge pharimata kaj nakhle katar i medievalo persekucia dži ko Holokausto, dži ki akanutni violenca. Soske e roma hatjarde maj anglal thaj maj mišto de sar e gadže e sistematikane probleme, ame dikhas le romen sar katalizatoro vaš e solucie ke maj buhle probleme andar savende nakhel i Evropa le ekonomiasa, politikenca, rasismosa, kulturasa thaj identitetasa – ande aver alava, le lovenca, le zorasa thaj le valorjenca.